ഉണ്ണിയപ്പക്കടക്കാരന് കൈയാളായ പള്ളി വികാരി; താരമായി വെച്ചുക്കരോട്ടച്ചനും മുജീബും

    0
    316

     

    വഴിയരികില്‍ ഉണ്ണിയപ്പം ഉണ്ടാക്കി വില്‍ക്കുന്നയാള്‍ക്ക് സഹായമായി സൗഹാര്‍ദത്തിന്റെ ഉത്തമ ഉദാഹരണമായി മാറുന്നു പഴയ കൊരട്ടി പള്ളി വികാരി ഫാ. സെബാസ്റ്റ്യന്‍ വെച്ചൂക്കരോട്ട്. കാഞ്ഞിരപ്പള്ളി ഞള്ളമറ്റം റോഡില്‍ ഉണ്ണിയപ്പം വില്‍ക്കുന്ന കാഞ്ഞിരപ്പള്ളി പാറത്തോട് സ്വദേശി മുജീബ് എന്നയാള്‍ക്കാണ് സെബാസ്റ്റ്യന്‍ അച്ചന്റെ സഹായം വലിയൊരു കൈത്താങ്ങായി മാറുന്നത്.

    മുണ്ടക്കയം, കാഞ്ഞിരപ്പള്ളി, എരുമേലി ഭാഗങ്ങളില്‍ വഴിയോരങ്ങളില്‍ ചൂട് ഉണ്ണിയപ്പം ഉണ്ടാക്കി വില്‍ക്കുന്നയാളാണ് മുജീബ്. ഇരുവരും തമ്മിലുള്ള സൗഹൃദത്തിന് വര്‍ഷങ്ങളുടെ പഴക്കമുണ്ട്. പള്ളിയിലെ തിരക്കുകള്‍ കഴിഞ്ഞുള്ള സമയത്താണ് സെബാസ്റ്റ്യന്‍ അച്ചന്‍ ഉണ്ണിയപ്പം ഉണ്ടാക്കുന്നതിന്റെ തിരക്കുകളിലേക്ക് നീങ്ങുന്നത്. വഴിയരികില്‍ നിന്ന് അച്ചന്‍ ഉണ്ണിയപ്പം ഉണ്ടാക്കുന്നത് കാണുന്ന പരിചയക്കാര്‍ കൗതുകത്തോടെ ഇവിടേക്ക് ഓടിയെത്തുകയും അച്ചനോട് സൗഹൃദം പങ്കുവയ്ക്കുകയും ഉണ്ണിയപ്പം വാങ്ങി മടങ്ങുകയും ചെയ്യും.

    മുജീബ് ഉണ്ടാക്കുന്ന ഉണ്ണിയപ്പത്തിന്റെ പരിശുദ്ധി മനസിലാക്കിയ സെബാസ്റ്റ്യന്‍ അച്ചന്‍ തന്റെ ഒഴിവ് സമയം മുജീബിന് സഹായമാകുവാന്‍ തീരുമാനിക്കുകയായിരുന്നു. ഇതുവഴി യാത്ര ചെയ്യുന്നവര്‍ക്ക് ഇരുവരെയും പരിചിതമാണ്. തമ്പലക്കാട് പെനുവേല്‍ ആശ്രമത്തിന്റെ സ്ഥാപകനാണ് ഫാദര്‍ സെബാസ്റ്റ്യന്‍ വെച്ചൂക്കരോട്ട്.

    മുണ്ടക്കയം സ്വദേശിയായ ഓട്ടോ ഡ്രൈവര്‍ ഹാഷിം ഇസ്മായിലാണ് ഈ ചിത്രം പകര്‍ത്തി സോഷ്യല്‍മീഡിയയില്‍ പങ്കുവച്ചത്. ഈ ചിത്രം നിമിഷം നേരെ കൊണ്ടാണ് വൈറലായി മാറിയത്.

    വാര്‍ത്തകള്‍ അറിയാന്‍, വാട്‌സ് അപ്പ് ഗ്രൂപ്പില്‍ അംഗമാകുവാന്‍ ഇവിടെ ക്ലിക്ക് ചെയ്യുക:
    https://chat.whatsapp.com/KatHEx3mzSREVFrleEwr8C
    നല്ല വാര്‍ത്തകള്‍ ഫേസ്ബുക്കില്‍ വായിക്കുവാന്‍ ഇവിടെ ക്ലിക്ക് ചെയ്യുക
    https://www.facebook.com/puthenvarthaa/
    ടെലഗ്രാം ചാനല്‍ സബ്‌സ്‌ക്രൈബ് ചെയ്യാന്‍ ഇവിടെ ക്ലിക്ക് ചെയ്യുക
    https://t.me/puthenvartha